|
|
|
|
|
 |
 |
Дзіцячы аддзел
Дзіцячы аддзел з'яўляецца структурным падраздзяленнем бібліятэкі. Яго дзейнасць накіравана на забеспячэнне дыферэнцыраванага інфармацыйна-бібліятэчнага абслугоўвання дзяцей дашкольнага і малодшага школьнага ўзросту, а таксама якаснае задавальненне іх інфармацыйных запатрабаванняў з выкарыстаннем традыцыйных і новых інфармацыйных тэхналогій.
Аддзел ажыццяўляе абслугоўванне ў аўтаматызаваным рэжыме і прапануе чытачам шырокі выбар мастацкай, галіновай, навукова-папулярнай літаратуры, часопісаў і газет: фонд налічвае больш за 70000 экзэмпляраў кніг і 50 назваў ілюстраваных перыядычных выданняў.
Аддзел складаецца з абанемента і чытальнай залы, дзе створана камфортная абстаноўка для самастойнай працы з кнігамі. Для самых маленькіх чытачоў маецца гульнявая зона з мяккімі цацкамі, а інфармацыйны куток для бацькоў пазнаёміць з літаратурай для правільнага развіцця і выхавання дзіцяці.
АСНОЎНЫЯ НАКІРУНКІ РАБОТЫ АДДЗЕЛА
выхаванне культуры чытання;
прапаганда беларускай і краязнаўчай літаратуры, літаратуры па здаровым ладзе жыцця і асновах бяспекі жыццядзейнасці;
экалагічнае і патрыятычнае выхаванне.
Работнікі аддзела аказваюць дапамогу чытачам у падрыхтоўцы да навучальнага працэсу, пошуку літаратуры да рэфератаў, тэматычнай падборцы сцэнарыяў арганізатарам пазашкольнай работы, падрыхтоўцы класных гадзін.
Аддзел цесна супрацоўнічае з абласным аб'яднаннем па пазашкольнай працы горада, а таксама са школьнымі і дзіцячымі ўстановамі горада Віцебска.
