Юбілей любімага горада: святочныя праекты і выставы ў абласной бібліятэцы

Details

Створана 19.06.2024 15:04

У дні святкавання 1050-годдзя з дня заснавання Віцебска абласная бібліятэка імя У. І. Леніна запрашае даведацца больш пра наш горад і яго жыхароў.

Старажытны і цудоўны Віцебск зменьваецца з кожным годам. На прэзентацыі фотавыставы «Гораду прысвячаецца...» Дзмітрыя Осіпава 25 чэрвеня ў 16:00 па-іншаму паўстануць звыклыя для віцябчан месцы. У экспазіцыі работ фотакарэспандэнта абласной газеты «Віцебскія весці» гледачы ўбачаць тое, што ўжо стала гісторыяй, здзівяцца хітраспляценню вуліц і плошчаў, адкрыюць для сябе знаёмыя месцы такімі, якімі іх назіраюць птушкі з вышыні свайго палёту.

Новая пастаноўка «Вольга святая» батлеечнагаг тэатра раскажа 25-26 чэрвеня пра дзіўны лёс княгіні Вольгі – першай кіраўніцы Русі, якая прыняла хрысціянства. На фоне маляўнічых дэкарацый ажыве гісторыя пра жанчыну, у суцэльнай асобе якой злучыліся выдатны розум і цвёрдая воля, сапраўдная сіла духу і веліч душы, мудрасць і сапраўдная набожнасць. Дзіўнае падарожжа праз стагоддзі да вытокаў Віцебска будзе цікавым і дарослым, і дзецям!

Тэматычны вечар «Тры штыкі вартуюць цішыню...» з удзелам прадстаўнікоў Выдавецкага дома «Звязда» прэзентуе 26 чэрвеня ў 15:30 трэцяе выданне кнігі Ніны і Мікалая Дарафеенкі, Мікалая Пахомава «Віцебскае падполле». Упершыню кніга пра герояў патрыятычнага падполля горада над Дзвіной убачыла свет 55 гадоў таму, у 1969 годзе. У паўторнае выданне 1974 гады аўтары занеслі дадаткі і некаторыя змены. Ініцыятарам новага трэцяга выпуску кнігі з'яўляецца Віцебская абласная бібліятэка імя У. І. Леніна, якая на пастаяннай аснове праводзіць героіка-патрыятычную і гісторыка-краязнаўчую работу. Дакументальнае апавяданне дапоўнена апошнім артыкулам Ніны Дарафеенкі аб подзвігу Веры Харужай у Віцебску.

Гісторыя віцебскай кнігі раскрыецца праз прызму прадстаўленых у выставачнай зале «ExLibris» краязнаўчых выданняў другой паловы ХІХ – пачатку ХХ стагоддзя, у тым ліку вядомага гісторыка і краязнаўца Аляксея Сапунова, якія да гэтага часу ўяўляюць цікавасць для даследчыкаў і чытачоў. Усе экспанаты адрознівае не толькі навуковая каштоўнасць, але і вельмі высокі ўзровень паліграфічнага выканання.

На кніжных выставах да Дня горада ў розных аддзелах бібліятэкі можна ўбачыць унікальныя дакументы, фатаграфіі, кнігі і іншыя матэрыялы, прысвечаныя гісторыі і культуры Віцебска.