«Пушкініяна ў мініяцюры» ў выставачнай зале «ExLibris»
- Details
- Створана 07.06.2024 12:48
Выставачны праект «Дакрануцца рукой да рарытэта!» прадстаўляе чытачам Віцебскай абласной бібліятэкі выставу твораў Аляксандра Пушкіна, выдадзеных у незвычайным фармаце.
Да 225-годдзя з дня нараджэння паэта ў выставачнай зале «ExLibris» адкрылася экспазіцыя «Пушкініяна ў мініяцюры» – усяго 35 вытанчаных томікаў, памерам не больш за 10 см. «Пиковая дама» і «Евгений Онегин», «Медный всадник» і «Маленькие трагедии», «Барышня-крестьянка» і «Руслан и Людмила» – вось толькі частка назваў калекцыі! Дапаўняюць яе мініяцюрныя выданні, прысвечаныя пушкінскаму экслібрысу. На выставе таксама можна ўбачыць цудоўныя міні-выданні казак Аляксандра Пушкіна. Усе яны ярка ілюстраваны, маюць маляўнічыя вокладкі, каляровыя форзацы.
Выданні твораў вялікага паэта, прадстаўленыя ў выставачнай зале «ExLibris», захапляюць філіграннай работай майстроў, з'яўляюцца ўзорамі высокай кніжнай культуры.
Выстава «Пушкініяна ў мініяцюры» працуе з 6 па 28 чэрвеня 2024 года.