Цырымонія ўзнагароджання юбілейным медалём «35 гадоў вываду савецкіх войскаў з Афганістана»

Details

Створана 31.05.2024 09:56

У Віцебскай абласной бібліятэцы адбылася цырымонія ўзнагароджання юбілейным медалём «35 гадоў вываду савецкіх войскаў з Афганістана».

Старшыня Рэспубліканскай Асацыяцыі членаў сем'яў ваеннаслужачых, якія загінулі ў Афганістане, «Памяць і доўг» Тамара Доўнар і начальнік групы сацыяльнай абароны і пенсіённага забеспячэння Ваеннага камісарыята горада Віцебска, Віцебскага і Лёзненскага раёнаў Віцебскай вобласці Эдуард Паўлаў уручылі памятную ўзнагароду дырэктару бібліятэкі Таццяне Адамян. Пад яе кіраўніцтвам да 25-годдзя вываду савецкіх войскаў з Афганістана Віцебская абласная бібліятэка стварыла электронны рэсурс «Афганистан. Без права на забвение», які аддае даніну павагі ветэранам афганскай вайны, якія вярнуліся жывымі і з гонарам выканалі абавязак Салдата, увекавечвае памяць загінуўшых воінаў у Афганістане і памерлых пасля заканчэння ваенных падзей, якія па месцы нараджэння, пражывання або службы звязаны з г. Віцебскам і Віцебскай вобласцю.

Таксама памятныя медалі былі ўручаны Генадзю Ягораву, намесніку старшыні Віцебскай абласной арганізацыі «Белая Русь»; Валянціне Кузьміной, старшыні Віцебскага абласнога аддзялення Рэспубліканскай Асацыяцыі членаў сем'яў ваеннаслужачых, якія загінулі ў Афганістане, «Памяць і доўг»; Уладзіславу Мужычэнку, галоўнаму ўрачу Віцебскага абласнога медыцынскага цэнтра медыцынскай рэабілітацыі ветэранаў і інвалідаў баявых дзеянняў на тэрыторыі іншых дзяржаў; Таццяне Туманавай, старшыні праўлення Віцебскага абласнога аддзялення Беларускага фонду міру.