|
|
 |
 |
Выстава «Бібліятэчны атлас», прымеркаваная да 20-годдзя будынка Нацыянальнай бібліятэкі Беларусі
- Details
- Створана 31.07.2026 09:13
Падчас XXXV Міжнароднага фестывалю мастацтваў «Славянскі базар у Віцебску» 16 ліпеня адбылася ўрачыстае адкрыццё выставы «Бібліятэчны атлас», прымеркаванай да 20-годдзя будынка Нацыянальнай бібліятэкі Беларусі.
Экспазіцыя распавядае пра бібліятэку як пра адметны сусвет, дзейнасць якога значная, унікальная, разнастайная і маштабная. Старонкі атласа (30 фотапланшэтаў) прадстаўляюць здымкі-карты планеты-бібліятэкі, надаючы ўвагу такім сферам яе дзейнасці, як работа з чытачамі, экскурсіі, захоўванне фонду, рэстаўрацыя, галерэйна-выставачная дзейнасць і г. д.
Манахромная аўтарская фатаграфія Валерыя Неўмяржыцкага аб'ядноўвае сюжэты ад ціхіх фондаў да шумных мерапрыемстваў, акцэнтуе ўвагу на архітэктуры, структуры, рытме, форме, лініях, кантрастах.
Фотаатлас пра жыццё бібліятэкі праілюстраваны выразным прадметным шэрагам: у экспазіцыі – дэкаратыўныя макеты Нацыянальнай бібліятэкі Беларусі, выкананыя школьнікамі, студэнтамі спецыялізаваных мастацкіх вучэбных устаноў, іх выкладчыкамі, чытачамі бібліятэкі і інш.
Цэнтральным і галоўным экспанатам выставы з'яўляецца сімвалічны ключ ад «алмаза ведаў», уручаны Прэзідэнтам Рэспублікі Беларусь Аляксандрам Лукашэнка кіраўніцтву бібліятэкі на адкрыцці новага будынка бібліятэкі 16 чэрвеня 2006 года.
Выстава фіксуе жыццё бібліятэкі, робіць яе пазачасавым героем экспазіцыі, паказвае бібліятэку ў дынаміцы, падкрэслівае каштоўнасць яе скарбаў, сувязь з чытачамі, шматграннасць узроўняў працы ў ёй і яе значэнне ў захаванні культурнай і гістарычнай спадчыны краіны.
Выстава «Бібліятэчны атлас» будзе прадстаўлена ў галерэі 1-га паверха Віцебскай абласной бібліятэкі па 12 жніўня.
