|
|
 |
 |
Праект «Слухаем вінілавыя гісторыі»: балет «Шчаўкунчык»
- Details
- Створана 20.12.2025 08:20
Новая сустрэча ў рамках праекта «Слухаем вінілавыя гісторыі» адбудзецца 14 студзеня ў аддзеле літаратуры па мастацтве абласной бібліятэкі. У гэты вечар мы пагрузімся ў магічную атмасферу балета «Шчаўкунчык» вялікага рускага кампазітара Пятра Чайкоўскага.
Гэты балет убачыў свет рампы ў Марыінскім тэатры 6 снежня 1892 года ў адзін вечар з операй «Іаланта».
Лібрэта па матывах казкі Эрнста Тэадора Амадэя Гофмана ў вольным перакладзе Аляксандра Дзюма склаў Марыюс Петыпа. Удзел у распрацоўцы сцэнарыя прымаў дырэктар Імператарскіх тэатраў Іван Усевалажскі, літаратурную форму іх ідэі і задумы надаў брат кампазітара, Мадэст Чайкоўскі. Харэаграфія прыналежыла Льву Іванову.
Музыка Чайкоўскага для «Шчаўкунчыка» стала адной з самых вядомых і любімых у свеце, а сам балет рэгулярна ставіцца ў тэатрах па ўсім свеце. Шчаслівы лёс балета склаўся дзякуючы версіям Джорджа Баланчына ў Нью-Йорку, Рудольфа Нурэева ў Парыжы, Юрыя Грыгаровіча ў Маскве.
Берлінскі філарманічны аркестр пад кіраваннем Герберта фон Караяна, Венскі філарманічны аркестр, Лонданскі сімфанічны аркестр і Нью-Йоркскі філарманічны аркестр вядомы сваёй магутнай і дакладнай ігрой, а іх запісы часта адрозніваюцца глыбінёй і дэталізацыяй.
На сустрэчы будзе прадстаўлена калекцыя вінілавых пласцінак з запісамі гэтага знакамітага балета ў выкананні сімфанічнага аркестра і ўнікальнага дзіцячага хору Вялікага тэатра СССР пад кіраўніцтвам вядомага дырыжора Генадзя Раждзественскага.
