|
|
 |
 |
Па старонках і залах: у Віцебскай абласной бібліятэцы падвядуць вынікі конкурсу бібліятэчных квэстаў
- Details
- Створана 29.05.2026 08:30
Метадычны дзень, прысвечаны падвядзенню вынікаў абласнога конкурсу на лепшы сцэнарый квэст-гульні «Па старонках і залах», адбудзецца 11 чэрвеня ў 12:00 у Віцебскай абласной бібліятэцы імя У. І. Леніна.
Мерапрыемства аб'яднае спецыялістаў публічных бібліятэк Віцебскай вобласці і членаў журы, каб на практыцы даказаць: бібліятэка – гэта сучасная прастора для гульні і развіцця.
У праграме дня – аналітычны агляд конкурсных работ і цырымонія ўзнагароджання пераможцаў у шасці намінацыях (ад сцэнарыяў для малодшых школьнікаў да праграм для дарослых чытачоў). Далей удзельнікі самі пройдуць квэст-гульні, каб на асабістым вопыце ацаніць конкурсныя распрацоўкі.
Арганізатарамі выступаюць упраўленне культуры Віцебскага абласнога выканаўчага камітэта, Віцебская абласная бібліятэка імя У. І. Леніна, Віцебская абласная арганізацыя Беларускага прафесійнага саюза работнікаў культуры, інфармацыі, спорту і турызму.
