|
|
 |
 |
Фотапраект «Свет насякомых: яркія сябры прыроды»
- Details
- Створана 05.06.2025 13:33
Усіх чытачоў абласной бібліятэкі ў фае 2-га паверха сустракае фотапраект «Свет насякомых: яркія сябры прыроды». Яго аўтар – тэлеаператар тэлерадыёкампаніі «Віцебск» Аляксандр Рындзін.
Гэтыя ўнікальныя здымкі былі створаны летам 2024 года ў маляўнічым наваколлі вёскі Казінава Гарадоцкага раёна Віцебскай вобласці. Фатограф дзеліцца сваімі ўражаннямі ад назіранняў за жыццём маленькіх насельнікаў лясоў і палёў, адкрываючы гледачам новы погляд на звыклую прыроду.
Фотаработы дазваляюць убачыць насякомых буйным планам, раскрываючы глыбіню і разнастайнасць іх жыцця, утоенай ад нашых вачэй.
Падчас летніх канікул абласная бібліятэка таксама праводзіць серыю мерапрыемстваў, накіраваных на развіццё экалагічнай свядомасці дзяцей. Сацыякультурныя праекты знаёмяць дзяцей са светам насякомых, вучаць правілам бяспечных зносін з імі.
Выстава «Свет насякомых: яркія сябры прыроды» дапамагае фармаваць пазітыўнае ўспрыманне насельнікаў прыроды, разумець каштоўнасць навакольнага асяроддзя і важнасць беражлівых адносін да яе.
Выстава працягнецца па 31 жніўня.
