Свята, прысвечанае Дню бібліятэк Беларусі

Details

Створана 05.09.2025 14:37

Віцебская абласная бібліятэка – гэта ўтульная прастора, дзе кожны знойдзе сабе занятак па душы.

Тут чытачоў чакаюць не толькі прывычныя стэлажы з кнігамі, але і сучасныя мультымедыйныя рэсурсы, алічбаваныя перыядычныя выданні, электронныя базы даных. Бібліятэка даўно перастала быць проста сховішчам кніг – зараз гэта месца сустрэч, зносін і натхнення.

Праграма Дня бібліятэк Беларусі ўключае разнастайныя актыўнасці: выставы кніжных навінак і мастацкія экспазіцыі, прэзентацыі выданняў і тэматычныя экскурсіі, віктарыны і квэсты, майстар-класы і спектаклі. Усе мерапрыемствы робяць наведванне абласной бібліятэкі займальнай падзеяй для чытачоў усіх узростаў і захапленняў.

У сваё прафесійнае свята Віцебская абласная бібліятэка чакае сваіх чытачоў – ДАВАЙЦЕ ЧЫТАЦЬ РАЗАМ!