Пазнавальная гадзіна «Без званняў і ўзнагарод: жывёлы на вайне»

Details

Створана 14.05.2025 15:58

Падзеяй, якая перапаўняе ўсіх беларусаў радасцю, бязмерным гонарам і шчасцем з'яўляецца Дзень Перамогі ў Вялікай Айчыннай вайне.

Мы нарадзіліся пасля вайны і не пазналі яе жахаў, але шчыра ўдзячныя ўсім, хто здолеў выстаяць у жорсткай сутычцы з фашызмам і перамагчы.

Пазнавальная гадзіна «Без званняў і ўзнагарод: жывёлы на вайне» прайшла 13 мая ў абласной бібліятэцы для вучняў 1 «Б» класа ДУА «Гімназія № 4 г. Віцебска». Бо ў цяжкія гады побач з салдатамі на фронце ваявалі і тыя, каго мы завём нашымі меншымі братамі – звяры і птушкі. Ім не давалі ордэнаў, яны не атрымлівалі званняў. Яны здзяйснялі подзвігі і гінулі, пры гэтым ратуючы тысячы чалавечых жыццяў.

Супрацоўнік агульнай чытальнай залы расказала дзецям пра тое, якім коштам была заваяваная перамога, пра тое, як сабакі, каты, коні, галубы, вярблюды здзяйснялі подзвігі, дапамагалі нашым салдатам захоўваць душэўныя сілы і нароўні з людзьмі праяўлялі стойкасць, мужнасць і гераізм.

Рабяты ўдзельнічалі ў віктарыне, адгадвалі загадкі, глядзелі мультфільм «Салдацкая казка» пра жука-насарога, які ваяваў разам з салдатам і падбадзёрваў яго ў цяжкія моманты.

Юная вучаніца гімназіі Дзіяна Бардзюкова прачытала для ўсіх верш.

Напрыканцы мерапрыемства наведаў Кот Фаліянт. Ён запрасіў вучняў у госці ў аддзел рэдкай кнігі, дзе пазнаёміў з лепшымі кнігамі пра жывёл.