Выстава дзіцячай творчасці «Свет сям'і = Свет любові»

Details

Створана 12.05.2025 11:24

Штогод 15 мая адзначаецца Міжнародны Дзень сям'і – светлае і цёплае свята, якое аб'ядноўвае блізкіх і родных людзей.

Сям'я – гэта асаблівая каштоўнасць, крыніца радасці і любові. Каб падкрэсліць значнасць сямейных каштоўнасцей і натхніць чытачоў на стварэнне ўласных гісторый, Віцебская абласная бібліятэка сумесна з Галоўным упраўленнем юстыцыі Віцебскага абласнога выканаўчага камітэта з 10 па 18 мая запрашае на выставу дзіцячых малюнкаў «Свет сям'і = Свет любові».

Тут прадстаўлены яркія работы юных талентаў, створаныя спецыяльна для свята. Кожная з іх – асобная гісторыя, поўная цяпла і шчырасці. Праз творчасць дзеці выказваюць сваё разуменне свету, у тым ліку ўяўленні пра сям'ю. Малюнкі дапамагаюць ўсім дарослым задумацца пра важныя аспекты выхавання, вучаць бачыць прыгажосць сямейных адносін і падкрэсліваюць значнасць традыцыйных каштоўнасцей.

Выстава «Свет сям'і = Свет любові» размяшчаецца ў фае 2-га паверха абласной бібліятэкі.