Лекцыя кампазітара Аляксандра Іванова «Барыс Цішчанка. Сімфонія «Хроніка блакады»

Details

Створана 12.05.2025 11:16

Напярэдадні Дня Перамогі ў абласной бібліятэцы адбылася лекцыя кампазітара Аляксандра Іванова, прысвечаная творчасці Барыса Цішчанкі і яго сімфоніі «Хроніка блакады».

«Хроніка блакады» – гэта не проста музычны твор, гэта манументальнае палатно, у якім вайна, разбурэнні, смерць, пераадоленне і перамога апісаны кампазітарам літаральна, крок за крокам.

Музыказнаўца абмеркаваў з удзельнікамі лекцыі музычныя асаблівасці сімфоніі: выкарыстанне мелодый, рытмаў і інструментаў, якія дапамагаюць стварыць яркія вобразы і эмоцыі.

Слухачы пагрузіліся ў атмасферу твора праз праслухоўванне сімфоніі, якая перадае пачуццё роспачы, але ў той жа час – надзеі і чалавечай стойкасці.

У завяршэнні лекцыі Аляксандр Віктаравіч падкрэсліў, што сімфонія «Хроніка блакады» – гэта не толькі даніна памяці тым, хто перажыў жудасныя падзеі, але і заклік да будучых пакаленняў памятаць пра важнасць чалавечнасці, салідарнасці і сілы духу ў цяжкія часы.