«Назад у СССР»

Details

Створана 14.03.2025 11:51

У рамках Пагаднення аб супрацоўніцтве Віцебскай абласной бібліятэкі імя У. І. Леніна і ДУ «Тэрытарыяльны цэнтр сацыяльнага абслугоўвання насельніцтва Чыгуначнага раёна г. Віцебска» 12 сакавіка для наведвальнікаў аддзялення дзённага знаходжання грамадзян пажылога ўзросту адбылася культурна-дасугавая праграма «Назад у СССР».

Госці мерапрыемства змаглі пагрузіцца ў атмасферу савецкай эпохі дзякуючы падборцы разнастайных атрыбутаў і прадметаў побыту часоў СССР, а таксама выставе «дэфіцытных» кніг, за якімі некалі выстройваліся чэргі.

Праграма ўключала інтэрактыўную частку ў фармаце «пытанне – адказ» аб значных падзеях савецкай эпохі: цэнах на прадукты і тавары, папулярных гульнях, вядомых артыстах, музычных кампазіцыях і папулярных фільмах.

Акрамя таго, удзельнікі змаглі падзяліцца сваімі ўспамінамі і ўражаннямі, што зрабіла сустрэчу асабліва цёплай і душэўнай.