
Медыягадзіна «Інфармацыя і інфармацыйная бяспека»
- Details
- Створана 02.12.2024 13:14
У сучасным грамадстве інфармацыя адыгрывае ключавую ролю ў развіцці грамадскіх адносін. Права на доступ да яе замацавана сярод асноўных канстытуцыйных правоў і свабод грамадзян.
У Беларусі дзяржаўная палітыка ў сферы абароны інфармацыйных рэсурсаў накіравана на забеспячэнне іх захаванасці, даступнасці і канфідэнцыйнасці. «Канцэпцыя інфармацыйнай бяспекі Рэспублікі Беларусь» прапануе комплексны падыход да гэтай праблемы.
Для першакурснікаў кафедры правазнаўства і сацыяльна-гуманітарных дысцыплін Віцебскага філіяла Міжнароднага ўніверсітэта «МІПСА» 28 лістапада ў аддзеле прававой інфармацыі і электронных рэсурсаў адбылася медыягадзіна «Інфармацыя і інфармацыйная бяспека».
Спецыяліст Цэнтра прававой інфармацыі Юлія Дзірко расказала аб дзяржаўнай сістэме прававой інфармацыі. Студэнты пазнаёміліся з работай аддзела, яго фондам і электроннымі рэсурсамі абласной бібліятэкі.
Такое ўзаемадзеянне дапамагае студэнтам лепш зразумець значэнне інфармацыі і важнасць яе бяспекі ў сучасным свеце, а таксама даведацца крыніцы пошуку актуальнай і дакладнай інфармацыі.