Савет дырэктараў «Бібліятэкі і бібліятэчная практыка ў Год гістарычнай памяці»

Details

Створана 10.02.2023 12:35

9 лютага ў бібліятэцы адбыўся Савет дырэктараў публічных бібліятэк Віцебскай вобласці «Бібліятэкі і бібліятэчная практыка ў Год гістарычнай памяці».

Адкрыла мерапрыемства дырэктар Віцебскай абласной бібліятэкі імя У. І. Леніна Таццяна Адамян. Асноўныя прыярытэты дзяржаўнай палітыкі ў рабоце ўстаноў культуры абазначыла галоўны спецыяліст аддзела работы арганізацый сферы культуры ўпраўлення культуры Віцебскага абласнога выканаўчага камітэта Зоя Гукава.

На пасяджэнні абмяркоўваліся актуальныя пытанні бібліятэчнай статыстыкі, стварэнне рэгіянальнага цэнтра доступу да інфармацыйных рэсурсаў, праект дзяржаўнага стандарта Рэспублікі Беларусь СТБ «Бібліятэчная статыстыка. Асноўныя палажэнні», змены ў Інструкцыі аб парадку арганізацыі бібліятэчных фондаў і выключэнні з іх дакументаў, удзел у прафесійных конкурсах, выкарыстанне сацыяльных медыя ў якасці актуальных каналаў прасоўвання бібліятэк.

У аддзеле захоўвання асноўнага фонду і аблічбоўкі дакументаў дырэктары азнаёміліся з работай планетарнага сканера.