 |
|
|
 |
 |
Аддзел краязнаўства
АСНОЎНЫЯ ЗАДАЧЫ АДДЗЕЛА
арганізацыя аператыўнага і якаснага дыферэнцыраванага інфармацыйна-бібліятэчнага абслугоўвання карыстальнікаў інфармацыйнымі рэсурсамі па пытаннях краязнаўства, гісторыі Беларусі, беларускай этнаграфіі і фалькларыстыкі, беларускага мовазнаўства і літаратуразнаўства, беларускай мастацкай літаратуры;
фарміраванне інфармацыйнай культуры карыстальнікаў, папулярызацыя выданняў па краязнаўстве і беларускай мастацкай літаратуры;
арганізацыя краязнаўчай бібліяграфічнай дзейнасці, стварэнне і вядзенне краязнаўчага даведачна-бібліяграфічнага апарата, краязнаўчае бібліяграфаванне і бібліяграфічнае абслугоўванне краязнаўчай і беларускай літаратурай;
навукова-даследчая і метадычная работа па профілі дзейнасці аддзела, аказанне метадычнай дапамогі па адпаведных пытаннях бібліятэкам Віцебскай вобласці, а таксама студэнтам і навучэнцам вышэйшых і сярэдніх спецыяльных устаноў, якія атрымліваюць бібліятэчную адукацыю;
выкананне асветніцкай і рэкрэацыйнай функцый: арганізацыя сустрэч, вечароў краязнаўчай і беларусазнаўчай тэматыкі і інш.
Фонд аддзела ўніверсальны па змесце і налічвае звыш 25 тыс. экзэмпляраў дакументаў па розных галінах ведаў. Сярод іх кнігі, статыстычныя зборнікі, буклеты, картаграфічныя і выяўленчыя выданні, газеты, часопісы і іншыя віды выданняў. Значную частку фонда складае беларуская мастацкая літаратура, літаратура па гісторыі Беларусі і літаратуразнаўстве. Асновай краязнаўчай дзейнасці з'яўляецца асобна выдзелены фонд краязнаўчай літаратуры і мясцовых выданняў. У аддзеле можна карыстацца электроннай калекцыяй бібліятэкі «Витебщина – документальное наследие», у якой змешчаны алічбаваныя кнігі і газеты XIX – пач. XX стагоддзяў, якія звязаны з Віцебшчынай.
Значная ўвага ў рабоце аддзела надаецца стварэнню і папаўненню ўласных баз даных: «Краязнаўства», «Памяць Віцебшчыны», «Прыдзвінскі край: гісторыя і сучаснасць», «Афганистан. Без права на забвение», «Человек года Витебщины», электроннага праекта «Вызваленне Віцебшчыны. 1943–1944», удзелу ў фарміраванні рэспубліканскай базы даных «Беларусь у асобах і падзеях» Нацыянальнай бібліятэкі Беларусі.
Вялікую ролю ў рабоце структурнага падраздзялення адыгрывае бібліяграфічна-выдавецкая дзейнасць. Супрацоўнікамі аддзела рыхтуюцца ўніверсальныя, галіновыя, тэматычныя і біябібліяграфічныя паказальнікі, прысвечаныя Віцебску і вобласці, знакамітым людзям краю. Таксама выдаецца «Каляндар знамянальных і памятных дат».
Значнае месца ў рабоце аддзела займае папулярызацыя фонду праз арганізацыю і правядзенне кніжных выстаў, бібліяграфічных аглядаў, прэзентацый літаратурна-мастацкіх выданняў, сустрэч з пісьменнікамі, краязнаўцамі, знакамітымі людзьмі Віцебскай вобласці і краіны.
Аддзел цесна супрацоўнічае з Нацыянальнай бібліятэкай Беларусі, Пскоўскай абласной універсальнай навуковай бібліятэкай імя В. Я. Кубратава, раённымі бібліятэкамі вобласці, арганізацыямі і ўстановамі Віцебшчыны.
