Чытачы абласной бібліятэкі знаёмяцца з выставай «Кнігі ў дар Прэзідэнту»

Details

Створана 25.11.2024 09:03

З выставачным праектам «Кнігі ў дар Прэзідэнту» на працягу лістапада знаёмяцца чытачы Віцебскай абласной бібліятэкі.

Частка ўнікальнай калекцыі кніг, падораных Прэзідэнту Рэспублікі Беларусь, дае магчымасць бліжэй пазнаёміцца з каштоўнымі выданнямі, якія ўжо сталі часткай багатай культурнай спадчыны краіны.

У фармаце экскурсій выставу наведваюць навучэнцы сярэдніх і вышэйшых навучальных устаноў горада і раёна. У ходзе экскурсіі бібліятэкары дзеляцца цікавымі фактамі пра некаторыя выданні, іх аўтараў і важнасць асабістых падарункаў для фарміравання кніжнай культуры ў краіне.

Адной з самых масавых экскурсійных груп сталі школьнікі Ноўкінскай сярэдняй школы. Калекцыя выданняў зрабіла на іх вялікае ўражанне. Вучняў ўразіла не толькі высокамастацкае афармленне, але і змест, і тэматыка кніг. Часткай візіту стала таксама аглядная экскурсія па бібліятэцы. Госці азнаёміліся з рознымі бібліятэчнымі рэсурсамі, даведаліся пра даступныя паслугі і пра сучасныя тэхналогіі ў бібліятэчнай справе, дзякуючы якім кнігі знаходзяць новае жыццё ў лічбавай прасторы.

Цікавасць выклікала экспазіцыя «Кнігі ў дар Прэзідэнту» ва ўдзельнікаў і слухачоў Х навукова-практычнай канферэнцыі «Віцебскі край», у ліку якіх былі студэнты Віцебскага дзяржаўнага ўніверсітэта імя П. М. Машэрава. На працягу 2 дзён яны падрабязна знаёміліся з выданнямі.

Выставачны праект «Кнігі ў дар Прэзідэнту» стаў натхняльным вопытам для ўсіх наведвальнікаў. Яны знеслі з сабой новыя веды, яркія ўражанні і жаданне больш чытаць, што вельмі важна для фармавання культурнага і інтэлектуальнага досведу.