Прэзентацыя кнігі Таццяны Катовіч «Витебск: Спасская улица. Комиссар Путна»

Details

Створана 15.11.2024 10:06

У рамках цыкла «Краязнаўчыя сустрэчы» 14 лістапада ў абласной бібліятэцы адбылася прэзентацыя кнігі «Витебск: Спасская улица. Комиссар Путна».

Гісторыя Спаскай вуліцы і Духаўской набярэжнай у Віцебску, архітэктурныя асаблівасці пабудоў, асоба Вітаўта Путны, чыё імя носіць цяпер вуліца, паўстаюць на старонках новай кнігі доктара мастацтвазнаўства, прафесара Таццяны Катовіч. Трагічны лёс адоранага чалавека, мастака, паліглота, ваеннага дзеяча Вітаўта Путны не пакінуў абыякавымі ўдзельнікаў сустрэчы.

Гэта трэцяя кніга пра віцебскіх камісараў, выдадзеная аўтарам. Раней пабачылі свет кнігі «Витебск: Улица комиссара Крылова» і «Политические мистерии: октябрь 1918 – декабрь 1919 гг.».

Дацэнт Наталля Тарабука расказала пра віртуальны праект «Здесь был Витебск», які нагадвае ўсім пра знакавыя для Віцебска асобы і пра знакамітыя персоны, якія наведвалі наш горад.