Віцебск і Пскоў: новы этап супрацоўніцтва па захаванні гістарычнай памяці і патрыятычным выхаванні

Details

Створана 02.09.2024 14:49

Міжнародны круглы стол «80-годдзю Вялікай Перамогі прысвячаецца» аб'яднаў 30 жніўня ў Пскоўскай абласной універсальнай навуковай бібліятэцы імя В. Я. Курбатава беларускіх і расійскіх бібліятэкараў, краязнаўцаў, гісторыкаў у рамках правядзення Дзён Віцебскай вобласці ў г. Пскове.

Прадстаўнікі Віцебскай і Пскоўскай абласных бібліятэк расказалі аб створаных рэсурсах і дзеючых праектах па захаванні гістарычнай памяці і патрыятычнаму выхаванню.

Вынікам прафесійнай сустрэчы бібліятэкараў Беларусі і Расіі стаў план сумесных мерапрыемстваў, падпісаны часова выконваючым абавязкі Старшыні Камітэта па культуры Пскоўскай вобласці В. А. Аляксеевай, начальнікам Упраўлення культуры Віцебскага абласнога выканаўчага камітэта П. М. Падгурскім, выконваючым абавязкі генеральнага дырэктара Пскоўскай абласной універсальнай навуковай бібліятэкай імя В. Я. Курбатава Л. В. Ягоравай і дырэктарам Віцебскай абласной бібліятэкі імя У. І. Леніна Т. М. Адамян на падставе дзеючага Пагаднення аб супрацоўніцтве паміж абласнымі ўніверсальнымі бібліятэкамі прыгранічных тэрыторый дзяржаў-удзельніц.

План прадугледжвае правядзенне ў 2024–2025 гадах навукова-практычных канферэнцый і сустрэч, анлайн-праектаў і марафонаў, абмен выставамі, падрыхтоўку тэматычных інфармацыйных выданняў, прымеркаваных да 80-годдзя Перамогі ў Вялікай Айчыннай вайне.

Пасля заканчэння сустрэчы адбыліся экскурсія па выставе з фонду Цэнтра па рабоце з рэдкімі і каштоўнымі дакументамі «Іх аб'яднаў 1944 год» і экскурсія ў мадэльную бібліятэку – Цэнтр дзіцячага чытання.