Канцэртная праграма «Памяць у нашых сэрцах»

Details

Створана 08.05.2024 10:02

Усё далей у мінулае адыходзіць ад нас Вялікая Айчынная вайна. Адыходзіць і пакаленне, якое памятае гэтую вайну. Але памяць пра подзвіг народа беражліва захоўваецца і перадаецца з пакалення ў пакаленне.

Яна застаецца ў кнігах, фатаграфіях, фільмах, у апавяданнях і песнях...

У рамках пагаднення аб супрацоўніцтве Віцебскай абласной бібліятэкі імя У. І. Леніна і Тэрытарыяльнага цэнтра сацыяльнага абслугоўвання насельніцтва Чыгуначнага раёна г. Віцебска 6 мая адбылася канцэртная праграма «Памяць у нашых сэрцах».

Ганаровымі гасцямі мерапрыемства сталі намеснік дырэктара ТЦСАН Чыгуначнага раёна г. Віцебска Ларыса Марковіч, ветэран Чыгуначнай раённай арганізацыі Беларускага грамадскага аб'яднання ветэранаў Любоў Гусакова, старшыня Чыгуначнай арганізацыі Беларускай асацыяцыі былых непаўналетніх вязняў фашызму Галіна Ачкасава і былыя непаўналетнія вязні фашызму.

У праграме канцэрта прагучалі песні пра вайну і Перамогу ў выкананні ўдзельнікаў вакальнай групы цэнтра. Танцавальны калектыў «Танчым разам» пад кіраўніцтвам валанцёра Глафіры Мельнікавай прадставілі гледачам «Вальс Перамогі». Тэатралізаваныя пастаноўкі калектыву «Люстэрка» не пакінулі абыякавымі гасцей мерапрыемства. Скончыўся святочны канцэрт песняй «День Победы» ў выкананні ўсіх удзельнікаў і гасцей мерапрыемства.