Круглы стол «Адзінства народа – адзінства краіны»

Details

Створана 21.04.2022 13:49

20 красавіка ў бібліятэцы адбыўся круглы стол «Адзінства народа – адзінства краіны», прысвечаны Году гістарычнай памяці. Тэма народнага адзінства, міру, захавання суверэнітэту нашай краіны, гістарычнай памяці пра падзеі Вялікай Айчыннай вайны гучала ва ўсіх выступленнях.

У рабоце круглага стала прынялі ўдзел дырэктар Віцебскай абласной бібліятэкі Таццяна Адамян, галоўны спецыяліст галоўнага ўпраўлення ідэалагічнай работы і па справах моладзі Віцебскага абласнога выканаўчага камітэта Наталля Невушава, дырэктар Віцебскага філіяла Міжнароднага ўніверсітэта «МІПСА», кандыдат гістарычных навук, дацэнт Аляксандр Дзядзінкін, навуковы супрацоўнік аддзела навейшай гісторыі Беларусі Інстытута гісторыі НАН Беларусі, кандыдат гістарычных навук Аляксандр Бараноўскі, старшыня каардынацыйнага Савета арганізацыйных структур грамадскіх аб'яднанняў і палітычных партый г. Віцебска Ларыса Аленская, першы сакратар Віцебскага абласнога камітэта БРСМ Уладзімір Бабічаў, пераможца першых Гульняў добрай волі (1986), майстар спорту міжнароднага класа, падпалкоўнік запасу Уладзімір Валодзька, загадчык аддзела краязнаўства Віцебскай абласной бібліятэкі Ларыса Рагачова, навучэнцы, студэнцкая моладзь, чытачы бібліятэкі.