Інфармацыйны дайджэст «Хуліганства: адміністрацыйнае або крымінальнае пакаранне?»

Details

Створана 08.04.2022 11:23

У працэсе гістарычнага развіцця ў грамадстве сфарміраваліся пэўныя нормы маралі і агульнапрынятыя правілы паводзін. Кожнаму чалавеку хочацца верыць, што большасць людзей, якія нас акружаюць, – добрапрыстойныя грамадзяне, якія кіруюцца прынцыпамі маральнасці, улічваюць меркаванні іншых людзей, не парушаюць іх правы і выконваюць закон.

Аднак не кожны з-за сваіх узроставых асаблівасцей або адсутнасці належнага выхавання прытрымліваецца правапаслухмяных паводзін у грамадстве. Часцяком падлеткі не ўсведамляюць усю сур'ёзнасць сваіх учынкаў, лічаць іх бяскрыўдным свавольствам або захапляльнай гульнёй, не задумваючыся пра магчымыя цяжкія наступствы.

Аднымі з найбольш небяспечных і распаўсюджаных дзеянняў супраць грамадскага парадку і грамадскай маральнасці з'яўляюцца хуліганскія дзеянні, праявы якіх вельмі разнастайныя і цягнуць за сабой як адміністрацыйную, так і крымінальную адказнасць.

Аддзел «Публічны цэнтр прававой інфармацыі» падрыхтаваў інфармацыйны дайджэст «Хуліганства: адміністрацыйнае або крымінальнае пакаранне?» з серыі «Дзелавы саветнік».

У дайджэсце разглядаецца праблема размежавання хуліганства, прадугледжанага арт. 339 КК РБ і 19.1 КаАПРБ, даследуюцца пытанні кваліфікацыі злачынстваў, якія ўчыняюцца з хуліганскіх памкненняў.

Дадзены інфармацыйны дайджэст адрасаваны навучэнцам і студэнтам юрыдычнага профілю, службовым асобам органаў, якія вядуць адміністрацыйны і крымінальны працэс.