Гадзіна прававых ведаў «Ведаць – каб не спатыкнуцца»

Details

Створана 02.03.2022 10:43

1 сакавіка ў бібліятэцы для студэнтаў 2 курса гуманітарнага факультэта Віцебскага філіяла Міжнароднага ўніверсітэта «МІПСА», якія навучаюцца па спецыяльнасці «Правазнаўства», адбылася гадзіна прававых ведаў «Ведаць – каб не спатыкнуцца», прысвечаная Міжнароднаму дню барацьбы з наркаманіяй і наркабізнесам.

З прыкладамі крымінальных спраў, узбуджаных па фактах незаконнага абароту наркатычных сродкаў, прысутных азнаёміў супрацоўнік упраўлення Следчага камітэта Рэспублікі Беларусь па Віцебскай вобласці, старшы следчы аддзела па расследаванні злачынстваў супраць інфармацыйнай бяспекі і незаконнага абароту наркотыкаў Міхаіл Емяльянаў.

Пра наступствы ўжывання наркотыкаў распавяла загадчыца падлеткава-наркалагічнага аддзялення Віцебскага абласнога клінічнага цэнтра псіхіятрыі і наркалогіі Карына Мінаева.

Сацыяльную небяспеку наркаманіі раскрыў старэйшы турэмны свяшчэннік, протаіерэй, член Віцебскага епархіяльнага суда айцец Сергій Захараў.