Урачыстае адкрыццё духоўна-асветніцкага цэнтра ў бібліятэцы

Details

Створана 13.01.2022 14:54

12 студзеня ў бібліятэцы адбылося ўрачыстае адкрыццё духоўна-асветніцкага цэнтра.

Святочнае мерапрыемства пачалося з малебна на пачатак усякай добрай справы, якую правёў клірык храма Дабравешчання Прасвятой Багародзіцы горада Віцебска протаіерэй Ігар Машкей.

Ва ўрачыстым адкрыцці цэнтра прыняў удзел начальнік упраўлення культуры Віцебскага аблвыканкама Пётр Падгурскі, які падкрэсліў, што гэтая падзея зойме важнае месца ў станаўленні і развіцці духоўнай культуры горада.

Прывітальнае слова Архіепіскапа Віцебскага і Аршанскага Дзімітрыя агучыў старшыня аддзела адукацыі і катэхізацыі Віцебскай епархіі протаіерэй Андрэй Смольскі.

Са святочнай падзеяй прысутных павіншавалі насельніца Спаса-Еўфрасіннеўскага стаўрапігіяльнага жаночага манастыра ў горадзе Полацку манахіня Іусціна, старшыня Віцебскага абласнога аддзялення Саюза пісьменнікаў Беларусі Тамара Краснова-Гусачэнка.

Не абышлося і без падарункаў: духоўна-асветніцкім цэнтрам атрыманы кнігі праваслаўнага зместу, а таксама друкаваная прадукцыя Спаса-Ефрасіннеўскага манастыра.

На мерапрыемстве прагучалі спевы ў выкананні хору Свята-Пакроўскага кафедральнага сабора. Супрацоўнікамі бібліятэкі была падрыхтавана кніжная выстаўка «Нам засталася спадчына».

Духоўна-асветніцкі цэнтр будзе садзейнічаць папулярызацыі праваслаўнай літаратуры, стане эфектыўнай пляцоўкай для рэалізацыі культурна-адукацыйных і духоўна-асветніцкіх праектаў.