Літаратурна-музычная вечарына «Дзень, поўны радасці, настаў...»

Details

Створана 21.04.2022 10:16

19 красавіка ў бібліятэцы адбылася літаратурна-музычная вечарына «Дзень, поўны радасці, настаў...», прысвечаная святу Вялікадня, з удзелам Біскупа Віцебскага Алега Буткевіча, пробашча парафіі Езуса Міласэрнага ксяндза-доктара Валерыя Марціноўскага, вернікаў розных хрысціянскіх канфесій.

Вядучыя вечарыны Васіль Мядзюха і Ларыса Рагачова павіншавалі ўсіх са святам Вялікадня. Цудоўнае выступленне хора парафіі Езуса Міласэрнага пад кіраўніцтвам сястры Ёнашы стварыла прысутным сапраўдны святочны настрой. Парафіяне парафіі Езуса Міласэрнага падрыхтавалі нізку вершаў духоўнай тэматыкі. Іх прачыталі Марыя Ткачэнка, Алег Рудзько і сястра Серафіна. З «Паданнем аб першым чырвоным яйку» ўсіх пазнаёміў Мікола Клімаў. Песню іераманаха Андрэя Гурава «Усё ў тваіх руках» выканаў вядучы вечарыны Васіль Мядзюха. З народнымі традыцыямі святкавання Вялікадня на Бешанковіччыне ўдзельнікаў вечарыны пазнаёмілі выступоўцы з народнага самадзейнага калектыву «Крыніца» Бачэйкаўскага сельскага Дома культуры і народнага ансамбля народнай песні «Весялуха» Бешанковіцкага раённага дома культуры. Словы віншавання і песня пад акампанемент гітары сталі падарункам ад Біскупа Віцебскага Алега Буткевіча.